احبك من ضمير

من طرف رافد ميوزك السبت أكتوبر 02, 2010 6:20 pm

أني
اذا حبيت احبك من ضمير
روحي شمعة ليل تذبل من تحب
واذا اكرهك الله يستر من وراية
وضلت بكيفك تكمل تنسحب

أتريد تعشكً راح تلكاني ملاك
وحظن دافي وورد والأوان وعشب
وانت اذا رايد لعب اهلآ تعال
هاي سهلة وحتى مابيها تعب
العبك والعب على ا لعبو عليك
العلمك تلعب اعلمة على اللعب
اتريدني اسهل سهل وياي صير
اتريد تصعب راح تلكاني صعب
اتريد منعدي عشك انطي حنان

اتريد من عندي ذهب تنطي ذهب
اتريد من عندي وصل انطي وفاك
تريد تنطيني جذب تاخذ جذب

ولان واحد كًلبي واحد يبقى بي
اني ماعندي حبيبين بكًلب
اني مثل النار تنطيها تزيد
منها تاخذ راح من يمك تشب
عيني اذا مابيك تمليها حنان

راح من تروح لاجلك ماتصب
وباب كًلبي اذا متحني بديك
لو شلعت الباب متكدر تطب

اتريد تكسرني صعب لين اصير
اتريد تعصرني تلكيني صلب
بكيفك اني اشلون ماريدني اصير
جاهز اني ومنتظر عند الطلب
الخشب نفسة اتريد تصنع بي خراب
اتريد كرسي ملك تصنع بالخشب
اني طبعي نخلة وياة كاع
اذا ماكو الماي ماتنطي رطب
وابد لاتستغرب

الحب لو عذاب هي رحمة
ولابسة اهدوم الغضب
الحب جرح لمن نداوي نحتوي

والجرح لمن نهجرة يلتهب
بالعشك كلشي اكو كلشي يصير
اكو بالغصبن واكو لاموغصب
لاتستغرب لاجل التحبة تموت

بالعشك ماكو عجب
بس العجب ناس ماتت حتى التحبة يعيش
وناس عاشت لاجل التحبة يحب
بيوت عمرت بالعشكً صارت قصور
وبالعشك نفسة الف بيت انخرب
اثنين يعني الحب اذا ثالث يفوت
حرف ثالث فات يتحول حرب
المثل ماينظرب اذا عاشك اسير
المثل مرات بالحب ينظرب
مو شكو حب يستمر يعني صحيح
وموشكو حب ينتهي يعني نصب
اكو حب ينتهي بس ذكراه يعيش
واكو حب يستمر بس اسمة انشطب
سبب حبك اذا تلكاه لاتكول
احلى حب اذا تحب بلا سبب

الأحد	الإثنين	الثلاثاء	الأربعاء	الخميس	الجمعة	السبت
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30